موضوع المناقشة:لو لم يولد؟؟؟!!!

بسم الثالوث الاقدس
لو لم يولد

هذا العنوان وجدتة على قناة ctv لفت انتباهى جدآ
عندما يمر علينا العيد مشكلتنا العظمى لبس العيد وموضة هذا العام ولكن لا نعرف مدى اهمية هذا العيد الحقيقية
واهمية هذا العيد الحقيقية بالنسبة لنا تعرفها عندما تجلس للتتأمل وتفكر بعمق
ماذا اذ لم يولد ؟؟؟!!!
لو لم يولد لا وجود للخلاص ,لا وجود للرجاء ,لا وجود لزمن الحب ,لن نعرف غلاوتنا عند الله ...........الخ .
هذا هو بعض مما تأملت انا فية فما رأيكم انتم ؟؟؟؟؟؟؟؟
انتهيت من الجزء الاول من الموضوع ....

الجزء الثانى الذى شغلنى هو 2010 فضلت ان تكون 2010 هو عام التغير سواء روحية او اجتماعية او غيرها ولايكون مجرد عام يمضى يذهب بى الى عام اخر .........وهكذا

اود ان تشاركونى بخطواتكم الايجابية التى قررتم ان تخطوها فى هذا العام من اجل افادة بعضنا بعض ؟؟؟؟؟؟؟

ملحوظة:1 الهدف من الموضوع هو فتح باب النقاش لانى لا استطيع جمع كل النقاط دون ارائكم
2- نرحب بكم فى المنتدى ونرجوا صلواتكم من اجل الخدمة ومن اجل المنتدى وليكون سبب بركة واستفادة لنا جميعآ
"الأشياء العتيقة قد مضت ، هوذا الكل قد صار جديدا (2كو 5 : 17)"

لوم لم يولد .......كنا هنكون تايهين فى الدنيا ومش عارفين ايه النهاية وهنروح فين بعد الموت وياترى ايه اللى كان ممكن يحصل لو استمرينا بنفس الحال دى

لو لم يولد !!!! ...... حاجات كتير مكناش زمنا عايشين فيها زى عصر النعمة وماكنش حيكون عندنا رجاء ولا أمل فى مغفرة الخطايا لأنه ببساطة كان حيفضل أجرة الخطية موت .... ده بخصوص النقطة الأاولى

النقطة الثانية صدقنى يا بوب انت جبت المفيد " انت فاهمنى طبعا" ..... لا بجد انا نفسى اتغير فعلا فى 2010 وماكنش عايش هميونى فى حاجات كتير زى ماكنت عايش ...... نفسى أتغير فى الحياة الروحية وأتقدم فى الحياة الأجتماعية وفى حاجات كتير تانى ..... وختاما فى قولا واحدا أوده عام التغيير

لو لم يولد كنا هانبقي كده
.........................................

لا شئ

أما بالنسبة للسنة الجديدة فأنا إنشاء الله عايز أقرب من ربنا - لحسن حاسس أني قربت أنساه - والتصق بيييييه ، وعايز أكمل في الحاجة اللي بديتها السنة اللي فاتت وأنت فاهمني طبعا.......

كل سنة وكلكم طيبيييييييييييييييييين

[center]
كل سنه وانتو طيبين بمناسبه السنه الجديده وعيد الميلاد ده اولا
ثانيا تعالوا نفكر بجد لو لم يولد بس مش من الناحيه الروحيه بس في الحياه ككل كنا هنبقي لسه ماشيين بالناموس وكنا هنقدم الزبائح وكل واحد يجيبله كل شويه خروف ولا بقره كل واحد وخطيته بقي عشان يقدمها زبيحه عن خطيته مكانش هيبقي فيه كنايس ولا قداس كان هيبقي اجتماع في المجمع اليهودي وكل واحد كان هيبقي ماشي بورقه يكتب فيها خطاياه عشان يقدر يكفر عنها التكفير المناسب وكل التخيل ده لو كنا يهود اصلا لان عشان احنا في مصر كان ممكن جدا نكون وثنيين لغايه دلوقتي ونعبد الالهه اللي في المعابد الاثريه اللي بنروحها نتفرج عليها دلوقتي ونبخرلها ونسجدلها ههههه ازيس وازوريس كل ده طبعا غير الحياه الروحيه مكانش هيبقي عندنا رجاء في القيامه بعد الموت وكنا هنعيش كده وخلاصمكناش هنبقي قريبين من ربنا كده وحاسين انه ابونا وبيسمعنا ويشوفنا كنا هنبقي حاسيين انه بعيد او مش موجود حاشا
ثالثا انا كمان نفسي في حاجات كتير والمفروض كل سنه نفكر نبقي احلي من اللي قبلها بس بجد وبتفكير عملي وليه خطوات مش نقول نفسنا وخلاص
بس كده
صللولي كتيييييير

لو لم يولد لم نكن قد عرفنا مدى عظم حب الله لنا لانه ونحن بعد خطاه مات المسيح لاجلنا

علشان يموت ويفدينا كان لازم يكون بشرى عادى وعلشان يكون بشر كان لازم يتولد طاهر قدوس بلا عيب بدون زرع بشر ..... لقد ولد المسيح فى بيت لحم فى مزود حقير
قبلته الحيوانات شريكا لها فى مذودها ورحبت به رغم انه لم يطلب منها ذلك ولم يعدها بمجد عظيم اما نحن فماذال الطفل يسوع كل عام يطلب منا ان يولد فى قولبنا ونحن نرفضه ونرفض انه يشارك العالم فى قلوبنا رغم انه وعدنا بمجد عظيم لمن يفتح له الباب ويدخل لانه وعدنا انه سيتعشى معنا ونحن معه Very Happy

نحن يا حضرات قل من حيوانات المذود لان المسيح بكل بساطة اتى الى العالم لنا وليس لهم ونحن نرفضه كل لحظة اما هم فقبلوه شريكا لهم .......... اسف للتطويل

بالنسبه لرامى أغفل تماما النقطه التانيه...........أتمنى تجاوب على النقطه التانيه حتى واو من غير تفاصيل santa

بالنسبه ل شويه ايه الخطوات اللى خدتها علشان يحصل هذا التغير؟؟؟؟؟ أنا بسال لاستفادتنا كلنا معاك وعلشان نطلع بنقط ايجابيه من الكلام مش مجرد كلام وميرسى جدا وربنا يعينك فى التغير

بالنسبه ل ميشو هتلتصق بيه أزاى؟ هل فى تداريب روحيه ولا ايه بظبط؟ وانا عارف الباقى وربنا يوفقك وتستمر

بالنسبه لكاترين محتاجين للخطوات ايجابيه انتى زى بالظبط وميرسى جدا على المشاركه

بالنسبه ل سمسم احنا فعلا اقل من الحيوانات وميرسى على التامل ده اللى يكشف اد ايه احنا مقصرين
انت مطولتش خالص لدرجه انك مجاوبتش على الجزء التانى من السؤال
احنا فى انتظار الجزء التانى وميرسى

الخطوات للتغيير ...... روحيا : مش عارف بالظبط بس عايز اسيب نفسى بين يدين ربنا وهو حيخلينى أكمل وأهم حاجة فى الموضوع ده هى الصلاة ...... اما بالنسبة للباقى فأنا مقتنع ان التغيير مش حيجى فجأة فأى خطوة بتحسسنى انى بتقدم فى الطريق بمشى فيها santa

لو لم يولد ؟؟؟

سؤال جامد صح sunny

و ما اظنش ان حد فينا فكر فية قبل كدة

بس اللى اقدر اقولة اننا كنا هانبقى مفتقدين الرجاء
يعنى كنا ها نبقي زى اليهود مستنيين المجئ الاول للمسيح الرب

او لو كنا مش يهود كنا هنفضل على نفس الحال اللى علية
يعنى مثلا البوذين لا و لن يتغيروا عن ما فى عقيدتهم

بس اظن كان هايبقى فية حاجات كتير ناقصانا

اما بالنسبة للسنة الجديدة 2010
انا حاسس انها مش مبشرة او على الاقل لى Crying or Very sad

بس اتمنى انى اقرب لربنا اكتر و اكتر و الخطوات اللى انا عملتها بحاول اواظب على الصلاة و الاعتراف و القداسات

نفسي افرح ناس كتييييير بس هما مهمييييييييييييييييين جدا لى فى كل حاجة انا بعملها و منها الدراسة

موضوع: لو لم يولد الجمعة يناير 08, 2010 3:34 am

يعنى يا بيشو لو كان المسيح متولدش كنا هنحس ان الحياة بلا هدف اساسى نسعى اليه وهو اننا نكون عايشين مع ربنا ....... زى ما كان الأنبياء عايشين وليهم علاقة قوية بربنا لكن مش عارفين نهايتهم ايه

موضوع: لو لم يولد الجمعة يناير 08, 2010 3:37 am

كانو الأنبياء عايشين فى عشرة مع الله ولكن هل كانوا عارفين ايه اللى منتظرهم بعد الموت

لو لم يولد ؟؟؟؟؟
بجد سؤال يحير بس متهيألى أن هتبقى فيه حاجات كتير هتحصل
1-وعود ربنا لينا بالنصرة والملكوت مكانتش هتتحققز
2- الرجاء اللى بنعيش عليه فى أى تجربة أو ضيقة تمر بينا مكانش هيبقى موجود
3-علاقتك بربنا هتبقى علاقة ضعيفة قوى وقارن بين علاقة شعب الله فى العهد القديم وعلاقة الخليقة الجديدة فى العهد الجديد
4-مكانش هيبقى فيه سر التناول اللى هتأخد منه بركة جسد الرب ودمه
ده غير حاجات تانية كتير واللى فات ده كان مجرد أمثلة
أما أمنياتى فى العام الجديد هى أنى أقرب من ربنا أكتر وخصوصا أن الواحد بعد ماخلص كلية عرف أكتر أن الكل باطل وقبض الريح وأن الواحد قد أيه ضيع وقت كتير أوى فى حاجات متستاهلش .....
وأتمنى عام سعيد ومختلف للجميع

ميرسى يا بيشوى على السؤال دا لان كتيييييييييييييير مننا مش بيفكر فيه و بيعتبره موضوع مفروغ منه يعنى كدا كدا حصلان زيه زي حاجات كتيييير ربنا ادهلنا و ليسه بيدهالنا و احنا فكرنها حقنا مش نعمة من عند ربنا
اما عن الاجابة بالظبط على السؤال فكان زمنا عايشين فى موت ادبى و موت ابدى بمعنى موت اخلاقى فى العالم مشغولين بملذاته و الموت الثانى موت ابدى كان مصيرنا فى البحيرة المتقدة بالنار و الكبريت المعدة لابليس و ملائكته يعنى من الاخر كدا حياة الضياع فى الدنيا و الاخرة
اما بالنسبة ل 2010
فانا اتمنى ان تكون سنة التغييييييييييييير الكلى من الناحية الروحية و الاختماعية
الروحية:1.اقرب من ربنا اكتر و اعرفه معرفة حقيقية مش معرفة السماع به
2.ابقى على صورة اللى خلقنى عليها مش اللى انا شوهتها
3.اشهد عنه مش بالكلام لكن بالتصرف
اما الاجتماعية:1.اقدم الحب لكل الناس مش لاصحابى بس
و يا رب نقدر ننفذ دا
وكل سنة و انتم طيبين و يا رب 2010تبقى جميلة على الناس كلها و كل واحد يحقق اللى نفسه فيه

بص يا بيشوى لو لم يولد انا اعتقد ان احنا كنا هانبقا حاجه من الاتنين يا هانكمل عباده الاوثان زى الفراعنه يا كنا هنبقا فى دين تانى ,,,,, يعنى بطريقه تانى سبب الخلاص و دى كلمه فى وجهه نظرى فيها كل المعانى .

اما بقا بالنسبه للسنه الجديده نتمنى انها ماتكملش زى ما ابتدت .... و شخصيا طبعا انا فى دماغى حاجات كتير تتعمل مفيده بس اهم حاجه ممكن يوصلها الانسان و هو فى سنى دا هى محبه المسيح مش مجرد كلم بتتردد 1000000 مره بس يبقا قلبه زى قلب داود .... و اكون مسيحى - مش قصدى الديانه قبطى بل اكون انا كمسيحى .
و الحاجه التانيه الدراسه - انا مش قصدى طب - يعنى مثلا انا فى حاجه فى دماغى هاحاول امشى فيها شويه و ربنا يسهل .

موضوع: عام 2010 الأحد يناير 10, 2010 10:14 pm

لقد قولت قبل كدة فى الكنيسة ان املى اننا ننخرط فى المجتمع ونتعامل مع الأخر( غير المسيحيين )
لاننا نعانى من العزلة داخل الكنيسة واننا نفرط فى الاحساس بالأضطهاد والظلم

ولكن .....

بعد ما حدث فى الأونة الخيرة اعلن اننى كنت مخطئ واسحب كلامى واغير وجهة نظرى واملى فى 2010 ان لا ننخرط داخل المجتمع ونتمسك اكثر بالكنيسة و ان نكون اكثر قرب من ربنا لانه هو حصننا و ترسنا

ابص يا سمسم التصرف مع الناس دى عايز بجد حكمة من عند ربنا لاننا حتى لو تعملنا معاهم بحكمتنا البشرية مش هينفع و مش هنغير حاجة من اللى فى تفكرهم لكن حكمة ربنا بتغير ناس كتير فى تعملهم معانا

يا سمسم مش قوى كده يعنى ماينفعش نديهم الى هما عايزينوا .... كدا هايبقوا وصلوا لل عايزينوا بسهوله ......
المفروض بقا نتعامل معاهم بس فى حدود ضيق قوى .... و لازم نفتكر ديما ان دى بلدنا قبل ماتكون بلدهم .

ي جماعه احنا كلامنا محدد فى موضوع........مش عايزين ندخل فى مواضيع تانى plz

انا بحب انحنى امام عظمة هذا الموضوع و اُبدى تسفيقى الحار للبومبو ..... بس انا هقول حاجة بسيطة و مش هطول عليكوا
و لم يُولد كانت كل الناس هتروح النار و مش هيبقى فى قديسين او شفاعة او اى حاجة لأننا مكناش هنتطهر من خطية ابونا آدم
نزل من الجحيم من قبل الصليب
و بالتالى كانت حياتنا هتبقى ملهاش لازمة
رايحين النار رايحين ..... يبقى الواحد يعيش سلطان زمانه فى الدنيا و على راى واحد

خراب يا دنيا عمار يا دماغى

كل المشاركاااااااااات روووووووووووعة بجد

المهم أنا كنت عاوز أرد علي السؤال اللي البومبو سألهوني وهو إزاي التصق بربنا

بص يا بوب أول حاجة عاوز أعملها أني مكسلش في أي يوم عن الصلاة والقراءة في الانجيل

حتي لو في الأول هأجبر نفسي لو كنت تعبان بعد كده أكيد هاتيجي بالاستمرار

تاني حاجة ودي فعلا بجد عاوز أعملها أني أعمل زي ما كانوا بيقولولنا زمان في مدارس الأحد أن ربنا بيحبنا جدا ومش هايسيبنا مهما عملنا علشان كده إحنا لازم نحبه زي ما بيحبنا ومنزعلهوش أبداااااااا....

موضوع: لو لم يولد الثلاثاء يناير 12, 2010 12:51 am

اولا منتدي بجد جميل اتمني اننا كلنا نستفيد منه بجد
ثانيا الموضوع اكثر من رائع وعايزة اقول اني لما فكرت ان لو لم يولد حصلي شبه بلوك
حاسة بجد زي ما كتير قال هنبقي لا شئ ومش هيبقي عندنا رجاء ومش هيبقي عندنا قصة الفدا الرائعة اللي بنفتخر بيها واساس وجودنا وحاجات كتير مش قادره اعبر عنها