اذن كيف يكون؟؟؟؟؟؟؟؟؟؟

ماران اثا
ok
من الواضح ان الاجابات معظمهابيرجح موضوع الصداقة
بس ارضاء للمواضيع التانيه هنحاول ندخل كام سؤال منهم
مبدئيا انا هتكلم بصيغة المذكر
بس الكلام للكل بنات وولاد
اولا:يعني ايه الصداقة اساسا
علي اساس ايه بتختار صديقك
و هل تؤمن انك مش انت اللي بتختار صديقك وانما الظروف اللي حولك من سكن و رقم موبايل او غربة او اي حاجة تانية
ماتضحاكوش دي فعلا بتحصل
بس الاولاد مش بيحسوا بالظروف دي اوي
وهل لازم صديقك يكون من ايام الطفولة
اومن نفس دفعتك؟
اايه هي شروط الصداقة بالنسبة لك
وهل في فرق بين الصداقة والزمالة و الصحوبيه مثلا
انت من مؤيدين تعدد الاصدقاء
و لا 1 او 2 كفايه اوي والباقي مجرد اصحاب
ولا انت من معتنقين اعتقاد
كل الناس اصحابي وحبايبي
بس محدش اسلمله رقبتي
يعني خلاص مفيش صداقة اليومين دول
طاب
هل للصداقة حدود
ولو اه يبقي ايه هي حدود الصداقة بالنسبة لك
و هل اي حاجة وكل حاجة ممكن تقولها لصديقك؟
طاب امتي تيجي علي نفسك لاجل صديقك
و هل ده بيحصل اساسا اليومين دول
ولا شعار مصلحتي اولا هو اللي سائد

هل ممكن توصل بيك و بمنتهي الصراحة
انك تغييييييير من صديقك الصدوق غيرة هددامة
هل ممكن تنم علي صديقك في غيابه؟
و من السؤالين اللي فاتوا هل في رأيك دي تعتبر صداقة اساسا
ايه اكتر صفة بتحبها في صديقك
واكتر حاجة او صفة بتضايقك منه
ونفسك تغيرها فيه
وهل حاولت ولا لا
هل انت من الناس الي بتعتقد ان صديقي ده ملكي انا بس
؟
و ممكن توصل بيك المرحلة انك توقع بينه وبين اصحابه عشان يكون ملك لك
ايه الموقف/المواقف اللي ممكن تخليك تقاطعة
او تنهي علاقتك بيه
ولو حصل الموقف ده هتتصرف ازاي
هل هتقطع علاقتك بيه
بطريقة مباشرة ولا هتنفضله ولا ايه؟
و لو نفس الموقف ده حصلك بس مش من صديقك
هيبقي ايه الفرق في التصرف بالنسبة لك؟
وهل حصل انك اتحطيت في موقف انك كنت مخدوع من صديق لك لفترة كبيرة
و لو ايوة
اتصرفت ازاي
؟؟؟؟؟؟؟
ندخل المواضيع التانية بقي
امتي حسسيت انك اتظلمت من صديق لك او ظلمت صديق لك
موقف يعني حصل
و هل مسألة الديانة تفرق معاك
يعني بصراحة كدة ممكن يكون صديقك دة حد مش مسيحي
و هل تؤمن بالصداقة بين البنت والولد
يعني هل ممكن يكون صديقك الصدوق بنت
و العكس في البنات
ولا من المعارضين
و لو ايوة او لا
طاب ليه؟
عاوزة الاجابةلو كانت لا تكون
بغض النظر عن مجتمعنا الشرقي
يعني متكونش الاجابة ان مجتمعنا الشرقي بيرفض ذلك
لو صديقك اتحط في موقف صعب جدا هاتتصرف معاه ازاي

سري انا عارفة اني رغاية مووووووووووووووووووووت
وكمان ممكن انتوا تشوفوا ان الاسئلة مش حلوة او متكررة
عادي
اللي عاوز يشارك في الموضوع بوجه عام من وجهة نظرة اوكي
واللي عاوز بجاوبه في صورة اجابات
اوكي بردو
واللي عاوز يضيف او يحذف سؤال مفيش مشاكل
مش عارفة ليه انا حاسة اني في امتحان
اخيرا
اتمني انه يكون الموضوع عجبكوا فعلا
وانه يكون اتعرض بصورة جيدة و ملمة
وان الكل يشارك
ودي اهم حاجة
THX 4 UR TIME
salloly kteeeeeeeeeeeeeeeeeeer
PLZ PLZ
[ندعوك للتسجيل في المنتدى أو التعريف بنفسك لمعاينة هذه الصورة]

انا مش عارف ازاى ممكن ارد على كل الأسئلة دى بس هاحاول

الصداقة الحقيقية هى اسمى معنى فى الوجود لانها مش مبنية على اى مصالح

ايوة طبعا مبنية على الظروف بدليل ان ممكن الظروف دى تقرب او تبعد بين اى اتنين بس الفكرة فى التمييز يعنى لو حسيت ان الظروف قربتنة من انسان هايضرنى او مش على نفس المستوى الاخلاقى اكيد هاسحب نفسى منه تدريجيا وهاحافظ فقط على خط الزمالة او المعرفة معه

فى صداقات منذ الطفولة وفى صدقات عملتها وانا كبير .... وشرط الصداقة عندى هو موجود فى مقولة ان الصديق الجيد يبكينى لمصلحتى ولا يوافقنى على امر يضرنى .... لان إذا كان الأمر يحتاج شجاعة لمواحهة العدو فإنه يحتاج شجاعة اكبر بكثير لمواجهة صديق

ايون انا سيكاوى وعندى 13 سيكو صديق

الحدود بين الصديقين بتقل بالتناسب مع مدى الصداة الى ان تصل الى انى اكون انا هو صديقى ودى صعبة شوية دايما فى بعض الخصوصيات تخص كل شخص

اعتقد ان الغيرة الهدامة والنم مش موجود عند اولاد زى البنات لان من رأى اساسا ان البنات عللاقتهم ضعيفة جدا

اللى ممكن يفرق بينى وبين صديقى حاجتين انه لا يبالى بوجود يعنى بالبلادى يقرطسنى والتانى انه يفصح عن سر قولتهوله ...... مع العلم انى ممكن جدا اسامحه بس بعد عتاب شديد جدا

حسيت مرة من صديق بعدم ثقة فى امر معين فشعرت بالظلم

مسألت الديانة محتاجة وقفة وموضوع مناقشة لوحدها بس بأختصار ممكن اقول انها فى الأيام دى صعبة تكون صداقة حقيقية ممكن زمالة معرفة لكن صداقة اعتقد صعب

برضه صداقة الجنس الأخر محتاجة ندوة كاملة للنقاش بس باختصار انا اؤمن بانه لايوجد فرق بين ولد وبنت الأثنان بشر ولذاك لا يوجد مانع ابدا من تكوين صداقة بين الولد والبنت تتدرج الحميمية بتدرج تفتح المجتمع والأشخاص ولانا نعيش فى مجتمع شرقى صعيدى دايما بينظر للبنت على انها لا تصلح الا للحب والزواج هذا فقط دورها فى احياة لو اذل الناس والبنات خاصة فى مجتمعنا هذ الفكرة ان مش كل بنت وولد يساوى حب وجواز هاتلاقى الأمور مشيت عاد والصداقة موجودة طبعا الموضوع كبير وهارد عليه فى رد منفصل بس بعدين ... احب اقول لكل شخص يقول لا توجد صداقة بين ولد وبنت لاختلافهما فيسيوليجيا وتشريحيا ... توجد صداقة بين انسان وكلب .وانسان وحصان ...

شكرا يا راندا على الموضوع الجامد دة
cheers

هااااااااااااي يا جماعة ميرسي جداااااااااااااااااا يا راندا الموضوع حلو أوي واعتقد انه متغطي كويس بس عايز كلام كتييييييييييير وفي حاجات كتييير هتزيد فيها المناقشات واختلافات الرأي وده طبعا كويس بس عشان كدة معلش أنا مش هقدر أرد انهارده ورايا بلاوي معلش عارفة انها رسالة غلسة بس أنا قلت أقولك اني قريت الموضوع وعجبني جدا طريقة عرضك وناوية أرد
صلولي كتيييييييييييييييييييييييييييييييييييييييييييييييييييييييييييييييييير بجد

موضوع جمييييل يا راندا و الاسئلة عجبتنى جدااااا .. اقرى على قد ما تقدرى انا شخصيا كتبتهم على 3 مرات ....
- الشخص اللى بتفرضه الظروف زى السكن و الغربة و ..... ميكنش صديق ممكن صاحب و دى بتكون بداية الصداقة لان ممكن علاقة اصحاب تزيد و تبقى صداقة او تنتهى بانتهاء الظروف اللى جمعتهم و تبقى معرفة
- تعدد الاصدقاء ؟؟ 2 اصدقاء و ممكن يبقوا 3 لكن لو اكتر من كدة هيبقوا شلة متقسمة و فيها كل 2 اصدقاء اوى و الباقى درجة اقل
- حدود الصداقة هى حدود الاخوات اقول على اى حاجة طول ما تخصنى انا لوحدى لكن لو تخص حد تانى اكيد مش هقولها مهما كانت درجة الكتمان
- آجى على نفسى ؟؟ اكيد فى حاجات كتير بتحصل بتحتاج ان طرف ييجى على نفسه والا صداقتهم هتنتهى ف فترة قصيرة و مش هتستمر ده طبعا لو الحاجة اللى هيضحى عشانها تستاهل التضحية .. و بالمناسبة من اكتر الحاجات اللى ممكن تخلى صداقة بين 2 متستمرش هى ان كل واحد بيحس ان حقه على التانى انه يضحى عشانه مهما كانت التضحية بحاجة كبيرة فى سبيل حاجة صغيرة
- الغيرة الهدامة ؟؟ دى اللى هى حد يعمل حاجة يضر بيها التانى عشان ميبقاش احسن منه ؟؟ ممكن اللى اتعود يعمل كدة مع اصحابه البعاد ممكن يكررها مع صديقه ...... بالنسبة ليا فانا مجربتش موضوع الغيرة ده قبل كدة ممكن عشان مجتش حاجة جامدة ممكن تخلينى اغير من غيرى ..
- الملكية .. لانى انا باتخنق من كدة جداا فمش ممكن هعملها لان لو صاحبتى بقيت معايا انا بس مش هعوضها عن الباقى ...
- مع انى عارفة ان ربنا قال ان احببتم الذين يحبونكم فاى فضل لكم .. لكن لو المحبة قلت يبقى صعب ان علاقتنا تستمر ... و لو حصل اكيد مش هقطعها بشكل مباشر هجيبها بالتدريج لانى لو جيبتها بشكل مباشر يبقى قطعتها خالص لكن احنا هنبقى اصحاب من بعيد
- الصداقة بين 2 بيكون اساسها اتفاقهم فى بعض الافكار على الاقل الاساسية زى الديانة .. المبادئ .. الخ و ده يخلى الصداقة بين مسيحى و غير مسيحى صعـــــــبة لانهم عشان يحافظوا على علاقتهم كل واحد فيهم هيتجنب الكلام ف موضوعات الدين و بكدة تقريبا استغنوا عن نص الكلام اللى ممكن يتكلموا فيه يعنى كل واحد فيهم هيخسر كتييييييير .... و نفس الفكرة الصداقة بين ولد و بنت نظرة كل واحد للامور هتكون مختلفة عن التانى و برضو كل واحد فيهم هيستفيد اكتر لو الصداقة كانت مع اللى يفهمه اكتر ........
7mdella 3 al-slaama

هااااااااااي أولا طبعا مش محتاجة أقولك تاني رأيي في الموضوع نتكلم في المهم...

أنا هحاول أجاوب علي أسئلتك بس يمكن أزوغ من كام سؤال كدة يعني ابقوا اعملوا روحكم مش واخدين بالكم وخلاص تمام؟؟ Shocked

أولا :يعني اية صداقة؟؟هي ملهاش تعريف أو حاجة معينة تقدري تقوليها بس نقدر نقول انها علاقة بين مجموعة من الناس وممكن يكونوا اتنين أو تلاتة بس وممكن برضه يكون واحد باعتبار ان صداقة الانسان ورضاءه عن نفسه نوع من أنواع الصداقة وممكن تكون بين شخص وربنا ودي طبعا أسمي أنواع الصداقة وأحسنها وكمان صداقة القديسيين...
المهم في العلاقة دي بتبقي الناس دي مشتركة مع بعض في بعض الحاجات سواء صفات...ظروف..وجهات نظر...وبتجمعهم محبة حقيقية متحملش أي مصالح أو أهداف تانية بعيد عن المحبة والاخلاص وبس ولو ضاع الشرط ده تتحول لمجرد صحوبية أو زمالة...أو....وطبعا الصديق هو الصديق وقت الضيق يزعل لما أزعل لما احتاج حد الاقيه جنبي لما أغلط ينصحني يفرحلي وهكذا حاجات تانية كتيييييييييير...

بالنسبة لموضوع اختيار الأصدقاء أنا كان ليا وجهة نظر بس اعتقد انها مختلفة مع ناس كتييير وبشوف ان أه فعلا معظم الوقت مش أنا اللي بختار أصحابي ومش بس الظروف بتكون هي السبب لكن بالنسبة لي اعتقد ان في سبب مهم جدااا اني مبخترش أصحابي ومتهيألي مش أنا بس مش عارفة هو ان من واحنا صغيرين بنختلط بناس ونتعلق ببعض منهم لأسباب غير معروفة في مرحلة في سننا بنكون لسة مفهمناش الصدافة أوي ولا وصلنا لمرحلة نضج كافية اننا نعرف ازاي نختار أصدقاء وطبعا تكمل الدايرة الناس اللي شفتهم و اتعاملت معاهم دول ابتدي أخد معاهم مثلا دروس وندخل مدرسة مع بعض..وهكذا من غير منحس نبقي اختارنا أصدقاءنا من غير قصد ومن غير اختيار ومن رأيي المفروض ان كل الأهل يربوا أطفالهم من وهما صغيرين ازاي يتعاملوا وازاي يحكموا الأمور وازاي يعرفوا يميزوا بين الناس...بس برضه في رأيي ان الواحد لما بيكبر بعدين ويبتدي يدرك وينضج شوية ممكن يغير صداقاته وده بيحصل كتيييير وعلي الأساس ده غالبا معظم الصداقات الحقيقية بتبتدي لما نكبر واللي بنعمله واحنا صغيرين سوري بيبقي شغل عيال.....
وطبعا منكرش دور الظروف في الموضوع ده يعني مش هقول ان الظروف بتختار أصدقاء لكن بتحكمني في مجموعة محددة يعني مثلا وأكيد دي حصلت كتيير ان في مثلا واحدة أقابلهاتحت ظرف معين لفترة معينة قصيرة طبعا طبقا للظرف ده وأحس اني نفسي نكون أصدقاء بس الظروف دي خلصت ومبقناش بنقابل بعض تقريبا وحتي التليفونات مش بتبقي سهلة وصعب ان صداقة تستمر بمستواها بس بتليفون!!! تبقي الظروف حكمت هنا ولا لأ؟؟ولو فكرنا بالعكس يعني ان الناس اللي هما أصدقاءي دلوقتي بقيوا أصدقاءي لأننا اتجمعنا في ظروف معينة استمرت لفترة طويلة تسمح بتكوين الصداقة بينا بس كدة....

وزي مقولت ان في صداقات كتيير بتتغير لما نكبر وكمان أحيانا في فترة ماحنا كبار أصلا نغير صداقتنا (ودي هتيجي سيرتها في الأسباب اللي ممكن تخليك تبعد عن صديقك)فعالأساس ده مش شرط يكونوا أصدقائي من وقت طفولتي ولا حتي من نفس دفعتي بس ميكونش الفرق بيننا كبير في السن لدرجة انها تبصلي علي اني عيلة أو أنا ابصلها كدة وبالتالي مش هتاخد برأيي في حاجة مثلا لأنها شايفة أصلا انها أكثر نضجا وبالتالي أكيد رأيها أحسن مثلا.بس برضة مش شرط لأن ممكن واحدة تكون كبيرة وعقلها صغير (وبصراحة كتيرة في البنات من غير زعل يعني مأنا بنت معاكم)أو واحدة صغيرة ولكن عقلها أكبر بكتيير...

ده بالنسبة لتعريف الصداقة و اختيار الأصدقاء وعلاقته بالسن وكدة وطبعا أنا عارفة اني طولت جداااااااا هكمل في رسالة تانية بس بقي ورا دي علي طول (غلاسة بقي)...

بالنسبة لشروط الصداقة أنا اعتقد اني تقريبا قلتها في تعريف الصداقة بس أكيد كل شخص ليه شروط تانية مختلفة (حسب الشخصية)بس في حاجة كمان يمكن مكونش جبت سيرتها في الأول ولفتت نظري ليها مادونا وهي استمرارية المحبة من الطرفين يعني لو في لحظة حسيت اني بجدف لوحدي وان اللي قدامي مش مدياني قيمة ولا حاسة بالمحبة من ناحيتها حتي لو حاولت تبين عكس ده عمري مهقدر أحبها زي الأول جايز استمر شوية بس بصراحة لو ملقتش رد فعل معتقدش وده غالبا بيبقي لسبب من اتنين اما اني حاسة اني غير مرغوب فيا من ناحيتها أو اني بس حاسة اني مش قادرة استمر بالأسلوب ده
الفرق بين الصداقة والزمالة والصحوبية طبعا موجود والحكاية أنا قلتها قبل كدة عالجروب الزمالة بس مجرد معرفة تقريبا يعني ناس معايا في الكلية في الشغل وكل علاقتي بيهم صباح الخير صباح النور كدة يعني مفيش بينا حوار أوي..
الصحوبية درجة أعلي شوية يعني مثلا برضه ناس معايا في نفس المجال بس في حوار بينا شوية ممكن نكلم بعض في التليفونات ممكن أه نخرج مع بعض بس في شوية تحفظ و مش بتوصل لدرجة الصداقة!!....
الصداقة درجة أعلي شوية (ده لأن في درجة رابعة عايزة أقولها):ودول اللي زي مقولت في البداية خالص يعني أثق فيهم أكتر أرتاحلهم أكتر...كدة يعني وغالبا حتي لو افتقرنا نتيجة لظروف بتستمر العلاقة بينا الي حد ما...
الدرجة الرابعة اللي أنا شايفاها وضيفتها لأن مش كل الأصدقاء علي نفس الدرجة مش عارفة يمكن نقدر نسميها الأخوة لأن في أصدقلء يبقوا قريبين منك جداااااااااااا لدرجة تخليك تحس انهم فعلا اخواتك بجد ممكن تحكيلهم علي حاجات متحكيهاش لباقي الأصدقاء وأحيان كتير بنلاقي مثلا حاجة مش حاكياها غير لواحدة بس وهي دي اللي أنا أقصدها وده بيأكد انها مش زي الباقيين...

موضوع تعدد الأصدقاء :أنا ولا مع ولا ضد الموضوع ملهوش قاعدة ممكن تكون شلة كبييييييييرة ورائعين في صداقتهم لبعض وكلهم أصدقاء بجد وممكن مجموعة صغيرة اتنين أو تلاتة بس مش مع بعض زي المجموعة الكبيرة وأعرف ناس كتير في الناحيتين فملهاش دعوة بالعدد...موضوع كل الناس أصحابي وحبايبي..ده أنا مش بحبه أوي أه كلهم أصحابي وحبايبي ده كويس لكن لازم يبقالي حد مقرب عالأقل واحدة وبجد حتي لو واحدة بس وصديقتي بجد أحسن من مليووووون واحدة....بلاش أكمل...

بالنسبة لحدود الصداقة: متهيألي ليها حدود بس محدودة يعني مثلا لو حاجات مش فيها لوحدي...أو حاجة ممكن تغير صورة حد في نظر أصدقائي!!!!أو مشاكل متخصنيش لوحدي....بس في ناس بتبقي عندها الحدود أكبر من كدة وده حسب الشخصية مثلا في ناس عميقة طبيعتها كدة متحبش تحكي مع حد مثلا ولا تطلع اللي جواها حتي لأقرب الناس ليها لكن ده مش معناه انها ملهاش أصدقاء أة كدة ولك دي اختلافات بين الناس ولازم نبقي عارفين ده وقابلينه....

امتي تيجي علي نفسك عشان صديقك؟:لو أصدقاء بجد متهيألي كتييير بس يعني اية أجي علي نفسي هل مثلا أبقي متضايق ومضايقهوش ولا أضحي بحاجة عشانه؟؟؟ولا اية؟؟
لو اترفع شعار مصلحتي أولا يقع شعار الصداقة مش ممكن تحت أي ظرف تبقي المصلحة هي السايدة بين اتنين ويسموا بعض أصدقاء وان كانت بتحصل..

وبرضه لو وصلت بيا لمرحلة الغيرة من أصدقائي ميبقوش أصدقاء لأن الصديق بيحب الخير لصديقه ازاي يغير منه ؟؟؟؟؟؟؟؟؟؟؟؟؟؟؟؟ مستحيل ثم ان الغيرة دي حاجة سيئة جدااا مش المفروض تبقي موجودة بين الناس العادية فمابالك بالأصدقاء (وبرضه من غير زعل الصفة دي غالبا في البنات)...
برضه النميمة علي صديقي في غيابه :ازاي صديقي وأنم عليه؟؟ بس ممكن تحصل حاجة ومتهيألي متبقاش نميمة وهي اني مثلا في حاجة مضايقاني من أحد أصدقائي ومش قادرة أقولهاله ممكن أقولها لصديق تاني أو مثلا موقف مع أحد أصدقائي مش عارف أعمل اية ممكن برضه أتكلم مع صديق تاني حتي لو مش صديق صديقي الأولاني(اية العقد دي؟؟؟)ما علينا بس ميبقاش سوري بنشرله يعني وماشية أقول لكل الناس علي صديقتي كلام مش كويس سوري دي مش تبقي بس نميمة دي تبقي ندالة مش عاجبك صديقك متكملش صداقة لكن مترحش تتكلم ده يبقي.....

to be continued.... Laughing

معلش استحملوني بقي..المرات الجاية..وخلاص ينوبكم فيا ثواب...

ماران اثا
كلام اكتر من رائع بصراحة وميرسي جدا
انا ماعملتش الموضوع ده كان اختياركوا انتوا
مبدئيا انا بعتذر عن تغيبي في الردود اول بأول لأني بفتح النت كل فين وفين من السكن
فسامحوني
في ناس قالتلي انها قرأت الموضوع بس حساه عريضة فزهئوا و مرضيوش يردوا
حقكوا يا جماعة
انا لو شفت موضوع كدة بصراحة ممكن اوي انفضله
بس انا كان نفسي كلنا نتناقش و لو حتي في نقطة واحدة بس من النقط دي كلها
ما علينا انا حاسة اني بشحت
هههههههههههههه
اولا
د/مينا
كلام جميل جدا
وعجبتني اوي جملتك الاخيرة
احب اقول لكل شخص يقول لا توجد صداقة بين ولد وبنت لاختلافهما فيسيوليجيا وتشريحيا ... توجد صداقة بين انسان وكلب .وانسان وحصان ...
بجد حكمة
بس
...........................
1- ازاي اقدر اني اصادق عدد كبير اوي كدةوكلهم بنفس مستوي الصداقة,هل هاقدر اقول كل اللي عاوزة اقوله للكل
ولا اكيد في 2-3 هم اللي هيتقللهم
علي ما اعتقد انهم هيتقسموا لجروبس صغيرة جوة نفسهم زي ما قالت مادونا كدة
2-مش معاك ان علاقة البنات ضعيفة ببعض
ساعات الصداقة بنهم بتستمر علي طول
بس في ظروف بتحكم العلاقة دي بتختلف عن الولاد وبتبقي عادة الظروف دي اعقد عند البنات اكتر
وميرسي علي المشاركة
بجد استفدت كتير
د/مادونا
بجد ميرسي جدا
ده من ذوئك
عجبني اوي اسلوبك بجد فظيع
و كلام رائع ووافي جدا
بس انتي بتقولي
.. لكن لو المحبة قلت يبقى صعب ان علاقتنا تستمر ... و لو حصل اكيد مش هقطعها بشكل مباشر هجيبها بالتدريج
طيب اززااااااااااااااااااااااااااااي؟
وميرسي جدا للمشاركة
جامدة جدا
بجد استفدت موت
د/سارة
ده بعض ماعندكم يا فندم
ومقدرش اقوللك تلت التلاتة كام انتي عارفة
بجد الواحد علي طول بيستفاد منك
سؤالك:يعني اية أجي علي نفسي هل مثلا أبقي متضايق ومضايقهوش ولا أضحي بحاجة عشانه؟؟؟ولا اية؟؟
بصي هو سؤال عام
عاوزة اقولك اني لما قريته دلوقتي تاني مفهمتوش!!!!
بس هو قائم علي التضحيه مثلا
هل ممكن انك تضحي و تغيري مبدا في حياتك مثلا ارضاء لصديقتك
تغيري من نفسك لصالحها
او مثلا
لو كان في هدف معين
واحد بس منكم مسموحله الوصول ليه
هل هتضحي بالهدف ده لصديقتك
ولا.........................
و لو هاتضحي يبقي امتي مثلا
او بما معناه
زي مانتى قلتي كده
ومتشوقة اعرف باقي ردك.
اخيرا ميرسي ليكم بجد
&THX 4 UR TIME
salloly kteeeeeeeeeeeeeeeeeeeeeeeeeer

موضوع: الجزء التالت الجمعة فبراير 26, 2010 9:52 am

هااااااااااااي هو بس قبل مابتدي كلام في حاجة محيراني...هي الناس اللي في المنتدي ده راحت فين؟؟؟؟فين رأيكم في الموضوع يا شباب مش كدة اية فينكم؟؟المهم ياريت كله يشارك....نكمل الموضوع...

]]ميرسي يا راندا كل ده أنا ميرسي جداااااا
اذا كان قصدك تغيير مبدأ أو كدة فاعتقد ان الواحد اللي بيتخلي عن مبدأ صح عشان أي حاجة يبقي أصلا معندوش مبدأ بس اذا قصدك أغير حاجة في أسلوبي مثلا بتضايق صاحبتي وهي حاجة متستاهلش اني أتمسك بيها يعني حاجة مش فظيعة ولو سبتها ميبقاش غلط أه ممكن لكن متجيش مثلا نيجي رايحين الكنيسة تقولي بلاش مثلا (يعني توديني في سكة بعيدة عن ربنا)وتقولي دي تضحية معتقدش...في الحالة دي ممكن أضحي بيها مش بمبدأي ههههههههه[/size]

بالنسبة لامتلاك الصديق...لا أؤمن بيه اطلاقا لأن الدنيا مش كدة الحياة مجتمع وناس وأصحاب وممكن أصدقائي يتعرفوا علي ناس غيري في حتت تانية ويعرفوني عليهم ونزود دايرة المعارف وممكن يبقي ليهم أصدقاء غيري أنا مليش علاقة بيهم ودي حاجة متضايقنيش يعني اية أصدقائي ليا لوحدي؟؟ بصراحة الحركات دي يمكن كانت فيا زماااان لكن دلوقتي؟!! وبعدين اية اللي يخلي حد يبقي عنده حب تملك لأصدقائه ؟؟ مش عارفة لو حد شايف سبب مقنع يقوله...

الموقف اللي ممكن يخليني أقطع علاقتي بيه: زي مقلت أحس اننا مبقناش بنحب بعض زي الأول بس في الحالة دي مش هتبقي قطيعة لكن جايز اختصار...
الحاجة التانية : زي مقال سمسم لو أفصح عن سر قولتهوله ومختلفة مع سمسم لأني متهيألي لو مفيش مبرر تبقي الغلطة دي بفورة يعني مفهاش نقاش أو حسيت انه بياخدني علي قد عقلي يعني معاهم معاهم عليهم عليهم أو ان طريقة حياته وأخلاقياته مختلفة معايا ...هتصرف ازاي؟يعني حسب مدي سوء الموقف بالنسبة لي اعتقد اني هقطعها تدريجيا بس هتوصل لفين دي حاجة تعتمد عالموقف جايز نفضل أصحاب بس مش قوي يعني خروجات علي خفيف تليفونات في المناسبات...الخ..وجايز توصل لمرحلة صباح الخير صباح النور ده يعتمد عالموقف وعلي شخصيتي...لو الوقف حصل مش من صديقي يمكن تستغربوا اجابتي جايز معملش حاجة ولا يفرق معايا أوي ويبقي كل الموضوع اني عرفت ان الشخص ده كدة وأخره كدة معايا لأني في أصدقائي هبقي عشمانة زيادة طبعا فأي موقف مش متوقع يبقي صدمة غير لو من حد بعييد..

بالنسبة لمسألة الديانة طبعا تفرق ومعتقدش أبدا ان علاقتي بواحدة مش مسيحية ممكن توصل لصداقة لأن زي مقالت مادونا في حاجات كتير هنتجنب الكلام فيها وكمان علاقة الصداقة دي لازم يبقي اصدقائي بيفيدوني وياخدوني للطريق الصح ونبني بعض ازاي ده يحصل والمسيح مش موجود؟؟؟؟؟؟؟؟؟؟؟؟؟

الصداقة بين الجنسين: أؤمن بيها طبعا بس تختلف عن الصداقة بين اتنين من نفس الجنس في بعض الحاجات مثلا مش ممكن همسك التليفون مع واحد بالساعات وده مثال بسيط لكن غير كدة (عن تجربة) هي نوع ناجح من الصداقات أؤمن بوجوده وبتأثيره الكويس أوييي عشان دايما بتبقي محتاجة تعرفي أفكار ناس تاني وبعدين أنا مش بشوف انه غلط والدليل ان الأنبا موسي أسقف الشباب نفسه طلع أكتر من مرة في برامج وقال انه لية صديقات وصداقتهم مستمرة لحد دلوقتي ولكن كل حاجة في حدود ولا سيما في مجتمعنا ولازم تبقي مجموعة مش واحد وواحدة بس ويبقوا أصدقاء لأن في الحالة دي احتمال وارد جداا لتطور الموضوع واعتقد مفيش داعي للشرح سوري يعني....وأنا قلت قبل كدة ان مثلا كبنت في ولد أشوفه صباح الخير وبس واحد تاني أه ممكن أكلمه بس قليل ناس تاني لأ أخد رأيه في حاجات واتكلم معاه أكتر من الباقيين وأخف عليهم وعلي مصلحتهم وكدة ومعظم الناس بتتعامل بالتلات طرق دول لكن الفرق في المسميات يعني ممكن واحد يبقي بيتعامل بالطريقة ويقول لا اؤمن بصداقة بين الجنسين أمال دي اسمها اية؟؟؟

لو صديقي اتحط في موقف صعب :]مش عارفة يعني موقف صعب هحاول أساعده وأقف جنبه بقدر استطاعتي ولو حاجة بره قدرتي هكتفي بالصلاة ليه حتي من غير ميعرف....[/color]

أخيرا ده كان أخر سؤال بس محدش ضامن يمكن تاني وأقرفكم بقي....باي مؤقتا بس ياااااااااااااااااااااااااااااااااارييييييييييت نسمع اراءكم بعد اذنكم يعني (رأيك يهمنا اتبرع ولو برسالة)

قبل كل حاجة ميرسى يا باشا ع الكلام الكبير عليا ده ...
هقطعها بالتدريج ازاى ؟؟؟ هتقل كل حاجة بالتدريج .. التليفونات و الخروجات مش هتبقى كل يوم و مش ع المهم و ال مش مهم و شوية بشوية هتبقى معرفة و علاقتنا هتقل لكن مش هتتقطع ..

في حاجة بس عايزة أفهمها الناس اللي في المنتدي ده راحوا فييييييييييييييييييييييييييييييييييييييييييييييييييييييييييييييييييييييين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!! يا جماعة حراااااااااام موضوع حلو زي ده تضيعوه كدة ياريت الكل يشارك بليييييييز