عدد المساهمات : 6 نقاط : 52472 تاريخ التسجيل : 06/01/2010 العمر : 36
موضوع: فى اى مصر نحن ؟ الأربعاء فبراير 03, 2010 2:41 am
لولا انى رأيت بعينى كان يمكن ان اكذب كل ما يقال عن هذه الأحتفالات العظيمة لفوز مصر بكأس الأمم الإفريقية , تلك الأحتفالات التى تعبر ولو لدرجة بسيطة عن حب كل من فيها لمصر وهو ما يتعارض مع الشكاوى المستمرة من هذه البلد وأحوالها
لذلك فإن اول سؤال يفكر فيه اى شخص متابع هو السؤال المهم
فى اى مصر نحن ؟ هل نحن فى مصر... التى نحبها ونخرج فارحيين وسعداء بإنجاز منتخبها ام مصر... التى نشكو دائما من احوالها وظروفها اقتصادية كانت او غيرها
مصر... التى يتخلى كثير منا عن وقاره فرحا ورقصا سعداء بها وبأنجازاتها ام مصر ... التى نريد ان نتركها ونهجرها حتى ولو لموزمبيق
مصر... التى فرح فيها كل الناس ام مصر... التى يشكو اقباطها من عدم الحصول على حقوقهم والتعصب ضدهم وأخرها نجع حمادى
مصر... التى غضبنا وانفعلنا بشدة عندما شعرنا ان هناك من يهينها او يقلل منها ام مصر... التى تقوم هى بأهانتنا وتقلل هى منا كأدميين
فهل نحب مصر ام نكرها ؟ و فى اى مصر نحن ؟
miko.nabil عضو خارق
عدد المساهمات : 245 نقاط : 52986 تاريخ التسجيل : 02/01/2010 العمر : 33
موضوع: رد: فى اى مصر نحن ؟ الأربعاء فبراير 03, 2010 10:28 am
يا شادى هذة البلد كانت بتاعتنا لكن ...دلوقتى لا لان الشعب سوء مسيحين ومسلمين بيضحك علية بالكورة وبعدين كيف ان لاعيبة المنتخب تأخذ اوسمة عالية يعنى معنى كدة هما متساوين مع زويل ....الكثير من العباقرة كما انها تأخذ تغطية اعلامية كبيرة فى حين ان مشاكل كتيير قى مصر وكذلك انجازلت علمية لان تأخذ مثل هذا التغطية وانا عن نفسى كنت بحب مصر لحد مشكلة نجع حمادى بعد كدة كرهتها
Abo MaaGeed عضو خارق
عدد المساهمات : 193 نقاط : 52787 تاريخ التسجيل : 09/01/2010 العمر : 35
موضوع: رد: فى اى مصر نحن ؟ الأربعاء فبراير 03, 2010 4:49 pm
شادى انا بس هقولك رد بسيط جدا هات اى واحد فى الشارع و قوله تعالى اسفرك برة و شوفه هيقول ايه ؟؟ و هات اى دكتور و ناجح جدا فى عمله و قوله نفس السؤال و شوفه برضة هيقول ايه ؟؟ و على راى الفيديو ده
مع العلم ان كل الناس اللى عايزة تسافر دى رايحة ميح يعنى متعرفش هناك هتروح تعيش فين و تشتغل ايه و تتكلم اذاى يعنى رايح على فيض الكريم
و بعد كدة بالنسبة لموضوع الكرة حتى فى التشجيع احنا مش حضاريين انت فاكر العربية الأوبل كورسا اللى اتبهدلت فى شارع الكاشف بعد الماتش رغم ان اللى بيشجعوا دول مصريين و المفروض يراعوا شعور الناس التانية و ممتلكاتها ولا الهمجية اصبحت صفتنا الغالبة
مش هطول عليكوا و للحديث بقية على فكرة فى موضوع قصة رمزية انا بعتها على المنتدى لها علاقة بالموضوع ده فى اللينك الجاى
عدد المساهمات : 126 نقاط : 53042 تاريخ التسجيل : 05/12/2009 العمر : 33
موضوع: رد: فى اى مصر نحن ؟ الأربعاء فبراير 03, 2010 6:39 pm
أولا شكرا يا شادى على الموضوع
أنا فى الأول عايز أوضح حاجة 1- الأوسمة اللى اخدوها اللاعيبة مش زى الأوسمة اللى اخدها زويل .... اللاعيبة اخدوا وسام رياضة من الدرجة الأولى أما زويل اخد قلادة النيل يعنى هناك فرق - اوعى حد يفتكر انى بدافع عن الدوله - وده مايمنعش طبعا انها اخدت تغطية أعلامية أكبر من مواضيع أهم وأخطر بس أنا حبيت أوضح
2- أنا يا ماجد مابحلمش ولا عايز أهاجر ايوة لو قلتلى عايز تسافر برة تدرس حقولك ايوة بس حرجع تانى أعيش فى مصر
بعد كدة ردا على سؤال شادى .... مصر كل الحاجات اللى انت قولتها دى مع بعض بس ده مايمنعش انى لسه بحب مصر وانا فاكر جملة كان كاتبها علاء الأسوانى فى عمارة يعقوبيان بتقول " مصر بقت قاسية اوى على أهلها عشان كدة الكل عايز يسيبها مش كره فيها بس ماحدش قادر يتحمل ظلمها "
ويا ريت تقروا مقالات الدكتور طارق حجى عن الوضع عمتا والمسيحين خاصة وده واحد منهم [ندعوك للتسجيل في المنتدى أو التعريف بنفسك لمعاينة هذا الرابط] وكان دايما بيقول ان اصلا مصر دى بلد الأقباط ..... فصعب الواحد يفرط فى حاجة ملكة خاصة لو كانت بلده
وفى الاخر انا اعتقد ان الانتماء عمتا عند المصريين بيقل وطبعا شوية زيادة عشان اللى بيحصلنا - المسيحين - بس لما يكون فيه حاجة تبين انتماءنا كله بيرجع للوطنية وانا شبه متأكد انه لما يرجع يكون ليننا هدف قومى موحد - اجلا ام عاجلا - فيه جميع الناس سواء حتبان وطنية المصرى بجد
واحب اختم بمقولة البابا " مصر وطن يعيش فينا وليس وطن نعيش فيه "
shady hany
عدد المساهمات : 6 نقاط : 52472 تاريخ التسجيل : 06/01/2010 العمر : 36
موضوع: رد: فى اى مصر نحن ؟ الأربعاء فبراير 03, 2010 7:15 pm
انا عايز اسأل ماجد ومايكل لما كل الناس كارهه البلد زى ما انتوا بتقولوا امال ايه هو تفسير الفرحه الهستيريه والجنونيه اللى كلنا شفناها فى مصر كلها ؟؟؟؟
Abo MaaGeed عضو خارق
عدد المساهمات : 193 نقاط : 52787 تاريخ التسجيل : 09/01/2010 العمر : 35
موضوع: رد: فى اى مصر نحن ؟ الأربعاء فبراير 03, 2010 7:59 pm
هقولك يا شادى الكرة هى المشاعر الصادقة الوحيدة فى البلد دى لأن استحالة يكون فى تزوير فى الأجوان و لا واسطة فى دخول اللعيبة المنتخب لأن اللى مش بيعرف يلعب بيطلعوه بره ولا حتى فى استحواذ على الرئاسة طول العمر لغاية ما المدرب يموت لأن المدرب اللى مش بيعرف يدرب او يقصر فى حاجة او يعمل غلطه بيطلعوه و يجيبوا غيره على طول و دى بجد اللى فيها روح الأيد الواحده
marian moris kamel عضو مميز
عدد المساهمات : 70 نقاط : 52527 تاريخ التسجيل : 06/01/2010 العمر : 35
موضوع: رد: فى اى مصر نحن ؟ الخميس فبراير 04, 2010 2:44 am
اولا: الموضوع حيوى جدا يا شادى رغم ان المناقشة فيه مش هتغير من اى حاجة فى البلد وتظل الاحوال كما هى عليه لكن ادينا بنتكلم حتى نطلع شويه من اللى جوانا
ثانيا:مصر من الصعب تحددها هى ايه بالظبط لاننا ممكن نغير راينا فيها على حسب الموقف اللى احنا فيه بمعنى انه مثلا يوم نجع حمادى كل الناس كنت تحسها انها خلاص ممكن تعمل اى حاجة فى البلد عشان تاخد بحقها و حق اللى ماتو لكن ايه اللى حصل مشاعر طلعت و خلاص انا فى راى شعبنا دا شعب بتحركه مشاعره اى فرحة ولو كانت عبيطه سورى انا مش قصدى اقلل من الكورة لكن ايه اللى عاد على الناس لما المنتخب فاز ولا حاجة فرح شويه و خلاص رجع للهم اللى هو فيه تانى لكن الظلم الواقع عليه اقعد و هو عامل نفسه نسيه او بيتناساه
ثالثا: احنا مش كرهين "مصر" كبلدنا لكن كرهين اللى مسكين البلد و بيمشوها حسب هواهم محدش ينسى انها البلد الوحيده اللى باركها ربنا "مبارك شعبى مصر"
رابعا: يا مينا من اللى قال انى الكورة فى بلدنا ماشية صح لما يطلع المدرب و يصرح انه مش بيلعب معاه حد مش متدين بمعنى انه لازم يكون مسلم حتى الكورة بيظه و احنا بردو بنشجعها
Semsem عضو مميز جدا
عدد المساهمات : 130 نقاط : 53782 تاريخ التسجيل : 23/09/2009 العمر : 36
موضوع: رد: فى اى مصر نحن ؟ الخميس فبراير 04, 2010 3:05 am
اولا : الموضوع شائك جدا وماينفعش نبصله بزاوية واحدة
انا حاسس ان فى خلط للأمور جارى فينا بمعنى اننا حاسسين بالأضطهاد نروح نشجع منتخب غانا ومانشجعش مصر قال ايه علشان خاطر الناس اللى استشهدوا قال يعنى لو مشجعناش هو دة اللى هايمنع ان حد يموت مننا تانى يا سلام على الطيبة والسزاجة اللى احنا فيها احنا بننتقم من مين بالظبط من البلد كبلد ولا من اشخاص كأشخاص احنا مش عارفين احنا عايزيين ايه ..... طبعا الحكاية دى خلت الناس اللى بتحب تصطاد فى المية العكرة تقول اننا مش مصريين اساسا وتنفى هويتنا ودة ما تسعى اليه بعض الجهات واحنا ببساطة بنساعدهم لا احنا مصريين وهانفضل مصريين مهما حصل ..... دة بالنسبة لموضوع الكورة كمثال
تانيا : يا ميكو ان حكاية الشعب سوء مسيحين ومسلمين بيضحك علية بالكورة دة مش عيب على البلد دة عيب علىك فى المقام الأول وانت كمان قولت وانا عن نفسى كنت بحب مصر لحد مشكلة نجع حمادى بعد كدة كرهتها حضرتك ماسمعتش على حادثة الكشح ولا ايه ولا اللى معشتهوش ما تحطهوش فى الأعتبار اعتقد ان الحادثة دى كانت فى 98 ومصر لعبت 2006 و 2008 وكمن انت بتشجع ياترى مش شايف تناقض فى كلامك
هاكمل بعدين .................
sara milad boles عضو فعال
عدد المساهمات : 42 نقاط : 52444 تاريخ التسجيل : 10/01/2010 العمر : 35
موضوع: رد: فى اى مصر نحن ؟ الخميس فبراير 04, 2010 3:19 pm
اولا بنحب نشكر شادى انه فتح موضوع زى ده لان ناس كتير بتسال نفس السؤال....بص يا شادى انا مش هاقولك اننا بنحب مصر وبنموت فيها...بس كل اللى اقدر اقدراقوله اننا عايشين فيها ...اه ممكن نكون مبنحبهاش بس مش بنكرها ...ممكن يكون فيها حاجات بتدايقنا بس كمان اوقات كتير بتخدمنا...عموما احنا فى الحياة العادية راضيين بحلوها ومرها وساكتين ...لكن بالنسبة لموضوع الكورة والوطنية اللى بتظهر فجاة فا دى ليها اسباب كتير...يمكن اهمهم السبب اللى قاله مينا ماجد وهو انها الحاجة اللى مينفعش فيها يكون فى غش او تزوير والسبب التانى اننا شعب بيحب يفرح وما بيسدا يلاقى حاجة تفرحه وخصوصا ان معظم الشعب المصرى له انتماء كروى....الحاجة المهمة اللى انا برده عايزاه اقولها اننا كدولة عادة مفتقدين النجاح والحاجة الوحيدة اللى بنشوف فيها النجاح هى الكورة وزى ما انت عارف دلوقتى مصر العاشرة على مستوى العالم ومنتهيالى المركز ده عمرنا ما هنشوفو فى اى مجال تانى ...بس كمان متنساش ان فرحتنا علشان الكورة مش بتدوم كتير يعنى كبيرها يوم او يومين وكل واحد بيرجع لمشاكله وهمومه تانى وكان شىء لم يحدث يعنى لو بصيتلها من كذا زاوية مش هاتحس ان الموضوع غريب.....اسفة للتطويل
Abo MaaGeed عضو خارق
عدد المساهمات : 193 نقاط : 52787 تاريخ التسجيل : 09/01/2010 العمر : 35
موضوع: رد: فى اى مصر نحن ؟ الخميس فبراير 04, 2010 3:28 pm
معلش انا هعقب على كلام سارة فعلاً زى ما سارة قالت ان الفرحة فترة صغيرة و مش بتدوم و كل واحد بيرجع بهمه و بلدنا كلها خداع و لو هى فعلا بلد الأمن و الآمان طاب ليه قافلين الشوارع و اجبروا المحلات تقفل علشان الريس جاى ما لو هى بلد آمن و آمان فعلا كان مشى عادى وسط الناس بحراسة فقط مش بالشكل ده زى جمال عبد الناصر زمان كان بيمشى وسط الشعب بعربية مفتوحة و يحييى الناس و الناس كلها كانت حاباه و مش هتكلم عن نجع حمادى و الكشح و اسكندرية و المنيا و الخ و اللى لسة هيحصل ما خُفى كان أعظم تانى حاجة اى مشجع كروى و ليكن شادى هانى استفاد ايه بعد ما مصر فازت ايه اللى اتغير ايجابيا فى حياته تقدرى تقولى ؟؟ لكن لو كنا بلد محترمة و متقدمة و بتقدر الأنسان ما كانش ده حالنا و كان مستوى الدخل ارتفع و اتقدمنا فى الصناعة يا ابنى ده احنا بنستورد كل حاجة فى حياتنا .... ده حتى الخضار و الفاكهة بقى فيهم ينسون صينى و توم صينى يعنى ناقص ايه نستورده اكتر من دى حاجة تقصر العمر يا راجل عيب عليك و فى الآخر تقولى بتاع
Semsem عضو مميز جدا
عدد المساهمات : 130 نقاط : 53782 تاريخ التسجيل : 23/09/2009 العمر : 36
موضوع: رد: فى اى مصر نحن ؟ الجمعة فبراير 05, 2010 2:39 pm
يا جماعة كل العيوب دى سببها احنا كمصريين فى المقام الأول ذنب البلد ايه ان فيها شوية حرامية بيسرقوا عينى عينك و باقى الشعب عبيط ومش هارف حقه في سؤال يا ماجد انت عندك بطاقة انتخابية علشان تتكلم عن احوال البلد هل صوتك مؤثر ولا انت بتقول وانا مالى ياعنى جات عليا يعنى صوتى هايفرق ما هى معروفة نتايجها وصباح التزوير ..... احب اقول لكل واحد بيقول كدة شكرا انت السبب الرئيسى لما وصلت له بلدنا ......
لما يبقى صوتك مؤثر وفعال وقادر على الأطاحة باسماء والأتيان باسماء اخرى هاتلاقى الاسماء دى بتعمل كل المستحيل لاثبات ذاتها لانها عارفة قوة الشارع
اما الصين لعبتها صح عرفت قيمة العمل مش الألقاب يعنى عامل مصنع شغال افضل من طبيب عاطل اما احنا كمصريين المهم اللقب لقب دكتور وانا دكتور حتى لو كنت حمار لكن عمال ولا صنايعى طبقة دنيا فى المجتمع علشان كدة تتصارع الطلبة لدخول كليات القمة وتترك المجال الصناعى لمحدودى القدرات والنتيجة مليون طبيب و 10 عمال مهرة وسملى على الصناعة
Abo MaaGeed عضو خارق
عدد المساهمات : 193 نقاط : 52787 تاريخ التسجيل : 09/01/2010 العمر : 35
موضوع: رد: فى اى مصر نحن ؟ الجمعة فبراير 05, 2010 2:43 pm
و انت فكرك يا سمسم لو عندى بطاقة انتخابية و حبيت انتخب حد غير الريس هل الحد ده هيكسب طبعا لأ حتى بالامارة البرادعى رافض يرشح نفسه فى انتخابات الرئاسة الا فى وجود لجنة من الامم المتحدة تشرف على الأنتخابات و ده اكبر دليل على التزويير اللى بيحصل يعنى اللى عايزينه يكسب هيكسب لو مؤاخذة بالعافية و مثال تانى اللى كسب فى سوهاج هنا و اتضح انه زور الانتخابات .... عرفوها بعد كام سنة و فى الآخر شالوه يا عم زى ما قال مايكل البلد مش بلدنا متروحش حارة السقايين و تفكر تبيع مياه يا باشا
و قابل فى المقابل بقى و البس
Semsem عضو مميز جدا
عدد المساهمات : 130 نقاط : 53782 تاريخ التسجيل : 23/09/2009 العمر : 36
موضوع: رد: فى اى مصر نحن ؟ الجمعة فبراير 05, 2010 2:59 pm
معلش يا ماجد كلام دة يقوله شخص وهو بيشرب نسكافيه ونايم على السرير مش عايز ينزل ويغير اى حاجة ويقول تزوير اما بالنسبة للبرادعى فدة موضوع كبير اكبر من لجنة من الأمم المتحدة واللى انا بعتبره اهانة لمصر .... الشعب لو عرف هو عايز ايه مستحل حد يقف قدامه لكن الشعب مشتت .......
shoya عضو مميز جدا
عدد المساهمات : 126 نقاط : 53042 تاريخ التسجيل : 05/12/2009 العمر : 33
موضوع: رد: فى اى مصر نحن ؟ الجمعة فبراير 05, 2010 4:48 pm
اولا اسمحولى يا سمسم انت وماجد انى ادخل فى الموضوع
تعقيبا على كلام ماجد ...... يا ماجد مفيش اى حاجة حتتغير فى يوم وليلة ولو الشعب كله عاز يغير اى حاجة حيغيرها لا مؤاخذه غصب عن عين التخين .... حديك مثالين الأول الثورات اللى الشعب المصرى كان بيعملها وينفذ اللى هو عايزة اخرها ثورة يوليو ان اتفقنا او اختلفنا معها بس هو ده اللى كان الشعب عايز يعمله فى ساعتها .... التانى على الأقليات زى السود فى امريكا كانوا بيتعاملوا معاملة فى منتهى السوء لدرجة ان لو فيه واحد اسود قاعد فى اتوبيس وركب واحد ابيض وملقيش مكان فيقومه من على الكرسى .... راح جه واحد اسمه مارتن لوثر كنج قعد يناضل وتم اغتيالة وجه اللى بعده واللى بعده لغاية ما جه واحد رئيس لأمريكا اسود
بعدين زى ما قولت ان مصر دى بلدنا ان وافق او اعترض البعض .... وكنت لسه بحضر كلمه للبابا فى فيلم وثائقى على الجزيرة وكانوا بيناقشوا الأقليات الدينية فقال ان المسيحين كلهم اصلهم مصريين على عكس الباقى فمنهم من هو مصرى الاصل او اتى من شبه الجزيرة العربية فدى بلدنا قبل ما تكون بلد اى حد تانى وطول عمرنا بناخد حقنا تالت ومتلت الا فى الخمسين السنة اللى فاتت دول تقريبا فمن الطبيعى جدا ان الوضع يرجع زى ما كان حتى لو اتأخر شوية او كتير بس برضه ختفضل بلدنا وعلينا اننا نكافح عشان يرجع حقنا
بالنسبة لموضوع البرادعى انا قررت انى مش حتكلم فيه لغاية لما يرجع ونعرف هو عايز يعمل ايه بالظبط مع اقتناعى الشخصى به .... اما الاشراف الدولى ده عادى جدا ومفهوش اهانة ولا حاجة كل الدول النامية بيجيلها اشراف دولى لما تكون عايز تعمل انتخابات بجد .... .... وفى كل العالم فيه منظمات الحقوق بتعمل دور رقابى يقارب جدا الاشراف الرسمى يعنى مفهاش حاجة .... واشمعنا فى ماتش الاهلى والزمالك بنجيب حكم اجنبى ما ده يعتبر اشرف دولى برضه
اسف على التطويل
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ الجمعة فبراير 05, 2010 6:02 pm
فى اى مصر نحن ؟؟؟
انا حبيت اكتب السؤال تانى لان كدة من معنى السؤال انة فية اكتر من مصر واحدة ؟؟؟ و دة مش صح بس الناس او الشعب هو اللى خلى مصر عبارة عن بلاد جوة بعضها بمعنى................
اولا بلد الكبار : الناس اللى هى كبيييرة فى البلد او الطبقة الرفيعة من الناس زى ما كانوا بيسموووها زمان
ثانيا طبقة المتوسطين : و دى اللى بتشمل ناس كتييييير جدا و اللى معظمنا منها
الطبقة التالتة : طبقة الفقراء و دول ما اكترهم مش محتاج كلام
اما اخر طبقة فهى : طبقة ما تحت خط الفقر و دول فعلا كتير جدا جدا جدا
اما اذا بصييينا من معنى تانى هل نقدر نقووووول ..........
بلد الامن و الامان ؟؟؟؟؟ انا مش شايف دة على عكس كل الكلام اللى بيتقال
هل نقدر نقل ان البلد دى حنينة علينا ؟؟؟؟ ما اظنش لان الاضطهاد وصل للاخر
هل نقدر نقول بلد الحرية ؟؟؟ اة ممكن لية لا بس من غير ما تغلط فى الحكوووومة
عادى المشكلة اللى انا شايفها فى كل الشباب و بما فيهم ناس كتييير اعرفها اننا عاوزين نسيييييب البلد بس زى ما قال شويا مش كرها فيها لكن لاننا تعبنا من كتر ظلمها
البلد دى بلدى و سواء رضيت او لا دى بلدى لكب انا مش حابب النظام اللى فيها او الحكومة اللى فيها و دة خلااانا نحس اننا مش بنحبها مع اننا كلنا هيصنا جدا جدا جدا جدا لما مصر فاااااااااااااااااااااازت و دة دليل على اننا بنحبها لكن مش طايقين ظلمها
و دة هو الدافع الاعظم عند ناس كتييير قوى عاوزة تهج من البلد نكمل فى وقت لاحق
Abo MaaGeed عضو خارق
عدد المساهمات : 193 نقاط : 52787 تاريخ التسجيل : 09/01/2010 العمر : 35
موضوع: رد: فى اى مصر نحن ؟ الجمعة فبراير 05, 2010 9:17 pm
متفق مع بوووووودى فى معظم كلامه مش عارف ليه يا سمسم حاسس انك مش عايش معانا فى البلد دى و شايف الدنيا وردى قووووى و انا بجد بحسدك على السلام الداخلى الجميل اللى بتتمتع بيه و ده على فكرة شىء رائع جدا و اكملك رأيى بالليل
Semsem عضو مميز جدا
عدد المساهمات : 130 نقاط : 53782 تاريخ التسجيل : 23/09/2009 العمر : 36
موضوع: رد: فى اى مصر نحن ؟ الجمعة فبراير 05, 2010 10:10 pm
انا مش شايف الدنيا وردى ولا حاجة انا شايف ان المشكلة اساسا فينا احنا مش فى اى حاجة تانى
sara milad boles عضو فعال
عدد المساهمات : 42 نقاط : 52444 تاريخ التسجيل : 10/01/2010 العمر : 35
موضوع: رد: فى اى مصر نحن ؟ السبت فبراير 06, 2010 2:34 am
انا متفقة جدا مع بودى وشويا ان احنا بنحبها بس مش طايقين ظلمها...وكمان عايزة اقول لمينا ماجد ان لو كل واحد بدا بنفسه ومقالش وانا مالى البلد هتتصلح لكن للاسف احنا بنتهاون فى حقوقنا ونرجع نقول ظلمونا...طاب ما احنا اللى سكتنا وقدمنالهم الفرصة على طبق من دهب...فكروا فى الكلام ده كويس ودافعوا عن حقوقكم وانتوا هتلاقوا حال البلد اتعدل....
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ السبت فبراير 06, 2010 1:46 pm
بدل المناقشة دى انا عاوز اعرف اية اللى ممكن الواحد يعملة و دة هايكون احسن البداية بنفسك ازاى
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ الثلاثاء فبراير 09, 2010 12:41 am
اية يا جدعان ما حدش بيرد لييييييييييية
ولا الموضوع وصل امن الدولة ولا اييييييييييييية
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ الأربعاء فبراير 10, 2010 2:48 am
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ الأربعاء فبراير 10, 2010 2:50 am
يا ريت الناس تسمع الشعر دة
shoya عضو مميز جدا
عدد المساهمات : 126 نقاط : 53042 تاريخ التسجيل : 05/12/2009 العمر : 33
موضوع: رد: فى اى مصر نحن ؟ الأربعاء فبراير 10, 2010 3:04 am
جاااااااااااااااامدة يا بودى بس انا عايز أأكد انه بيتكلم على الامة العربية (العروبة) مش مصر
booodykimo عضو خارق
عدد المساهمات : 207 نقاط : 52774 تاريخ التسجيل : 06/01/2010
موضوع: رد: فى اى مصر نحن ؟ الأربعاء فبراير 10, 2010 3:23 am
تمام يا شويا بس هو بيتكلم على عبد الناصر اللى قال فى اول القصيدة عنة
الله يجااااااااااااااااااااااااااااااااااااازية
و مصر برضة ليها نصيب فى الموضوع مش بيتكلم على العروبة بس
Randa Dodda Lalloty
عدد المساهمات : 6 نقاط : 52472 تاريخ التسجيل : 08/01/2010 العمر : 35
موضوع: رد: فى اى مصر نحن ؟ الأربعاء فبراير 10, 2010 7:40 am
الموضوع رااااااااااااااااااااااااااااااائع و الرد nooooooooooooooooooooooooooooooooooooooooooooo comment